© 2018 Mountains of Norway SA
Mountains of Norway er eit samarbeid mellom Nasjonalparkriket, Visit Valdres og Visit Geilo. Vår jobb er å styrke opplevingsturismen i fjellheimen på vegne av medlemmane våre, gjennom å utvikle og selje fjellopplevingar til internasjonale turoperatørar som sender framtidas aktive gjester til fjells. Vi jobbar på vegne av heile verdikjeda i reiselivet, og Tyskland, Sveits, Austerrike, Nederland, Belgia, Sverige og England er våre primærmarknader. Verksemda har p.t. 2 tilsette, som jobbar med sal eller salsutløysande tiltak som visningsturar og produktutvikling. Vil du vera med på laget?
I rolla som Fjellseljar Vinter er du hovudansvarleg for å leie og koordinere sals- og produktutviklingsarbeidet for vintersesongen.
Ein stor del av jobben handlar om å skape interesse for fjellregionen, og sørge for at turoperatørane blir kjent med alle moglegheitene i fjella våre.
One size does not fit all. Som fjellseljar bistår du turoperatørar og medlemmar med å skreddersy opplevingar til ulike målgrupper.
Visningsturar er eit avgjerande tiltak for å utløyse sal. Du planlegg og koordinerer alle digitale og fysiske visningsturar i vintersesongen.
Salsutløysande kunnskap haustast ofte over ein kopp kaffi. Du må difor pårekne noko reising for å møte turoperatørane på deira heimebane, sjølv om mykje av jobben gjerast over nett.
Som fjellseljar får du eit unikt innblikk i kva som rører seg ute i marknadane, og denne kunnskapen nyttar og deler du til det beste for medlemmane.
Mange arbeidsoppgåver løyser me saman i Mountains of Norway, til dømes samlingar for våre medlemmar og større prosjekt.
Me tilbyr ein arbeidskvardag som består av kontrollert kaos og masse meiningsfylte oppgåver for deg som brenn for eit bærekraftig reiseliv i fjellheimen.
Løn og vilkår Løn og øvrige vilkår blir me samde om i løpet av tilsetjingsprosessen. Mountains of Norway har base på Kontorfellesskapet 1724 i fjellbygda Vang i Valdres, i lag med fleire andre fjellbaserte gründerbedrifter.
Søknadsfrist og tilsetjing Stillinga er fast (100%). Søknad med relevante vedlegg sendast til post@mountainsofnorway.com. Frist: 1. september. Eventuelle spørsmål kan rettast til dagleg leiar (sjå lengre ned). Tilsetjing etter nærmare avtale i løpet av hausten.
